აკვარიუმის სანათის დამზადება

აკვარიუმზე დასადები დახურული ტიპის სანათი, იმავდროულად აკვარიუმის თავსახურის მოვალეობასაც ასრულებს.

Nautilus-ის სანათი-თავსახურის უპირატესობები:

თანაბარი განათება წყლის მთელ ზედაპირზე

შუქდიოდების სიკაშკაშის კონტროლის შესაძლებლობა

შუქდიოდური პროჟექტორებით შესაძლებელია ღრმა აკვარიუმების განათებაც

იცავს აკვარიუმის ზედაპირს მტვერისგან

მნიშვნელოვნად ამცირებს წყლის აორთქლებას

არ აძლევს თევზებს აკვარიუმიდან ამოხტომის საშუალებას

ცივ პერიოდში გეხმარებათ წყლის ტემპერატურის შენარჩუნებაში – გამათბობელი ნაკლებად იტვირთება და ნაკლებ ელექტროენერგიას მოიხმარს

ხმის მნიშვნელოვანი იზოლაცია – აღარ შეგაწუხებთ შიდა ფილტრისა და აერატორის ხმა

ნაუტილუსის სანათი საკმაოდ კომპაქტურია და არ ტოვებს მასიური კონსტრუქციის შთაბეჭდილებას. კორპუსის ფერის არჩევით შესაძლებელია უკეთესად მოარგოთ იგი აკვარიუმის კარადის ფერსა და ოთახის ინტერიერს. თევზებისთვის საკვების მიწოდების დროს არ გიწევთ თავსახურის ახდა და გადადება – სანათის კორპუსში გათვალისწინებულია საკვებური. აკვარიუმში ჩამავალი აპარატურის კაბელების, შლანგებისა და მილების კომფორტული განთავსებისთვის, სანათის კორპუსის უკანა ნაწილში გათვალისწინებულია სპეციალური ჭრილები (მარცხენა და მარჯვენა მხარეს).

სანათის ტიპი – აკვარიუმზე დასადები, დახურული

სიმაღლე – 4,5 სმ

კორპუსი – ალუმინის კომპოზიტი

ფერი – თეთრი, შავი, ვერცხლისფერი

განათების ელემენტი – შუქდიოდური პროჟექტორი (6500 K – დღის თეთრი ნათება)

დიმერი – განათების სიმძლავრის რეგულატორი

ჩართვა/გამორთვის ღილაკი

საკვებური

ჭრილები – მილების, შლანგების, კაბელებისა და ჩანჩქერის ტიპის დასაკიდი ფილტრებისთვის

კაბელის სიგრძე – 3 მ

არსებობს მთელი რიგი მიზეზები, რომელთა გამო არ არის მიზანშეწონილი ან უბრალოდ შეუძლებელია აკვარიუმზე დასადები სანათისა და თავსახურის გამოყენება:

ოთახში არ არის კონდიციონერი და ზაფხულში აკვარიუმის ტემპერატურა ზღვრულ მაქსიმუმს სცდება

წყლის ზედაპირზე მოტივტივე მცენარეები ახლომდებარე განათებისგან ზედმეტად შრება და ხმება

ხის ფესვები ან სხვა დეკორაციები და მცენარეები აკვარიუმის სიმაღლეს აჭარბებს

გარდა ამისა, აკვარიუმისტების ნაწილს სიამოვნებს წყლის ზედაპირის ცქერა. ბოლოს და ბოლოს, სანათი შეიძლება ჩაფიქრებული იყოს, როგორც ოთახის ინტერიერის დამოუკიდებელი ნაწილი. ასეთ შემთხვევებში შეგიძლიათ შეუკვეთოთ კედელზე ან ჭერიდან ჩამომავალ ტროსებზე დამაგრებული სანათი. კონსტრუქციის ძირითადი ბირთვი დარჩება უცვლელი – გამოაკლდება მხოლოდ საკვებური და უკანა ჭრილები; გამოყენებული შუქდიოდების სიმძლავრე გაიზრდება სანათსა და აკვარიუმის ზედაპირს შორის დარჩენილი მანძილის გათვალისწინებით.

კედლის ან კარადის ნიშაში განთავსებული აკვარიუმებისთვის ყველაზე პრაქტიკული ვარიანტია სანათის მიმაგრება ნიშის ჭერზე. აკვარიუმის ზედაპირსა და სანათს შორის არსებული მანძილი ხელს უწყობს განათების მაქსიმალურ გაშლას და თანაბარ გადანაწილებას. თანაც სანათის აღება არ მოგიწევთ არა მხოლოდ თევზების კვების, არამედ აკვარიუმის მომსახურების დროსაც.

დიდი ზომის აკვარიუმებისთვის ნაუტილუსში მზადდება ცალკეული ბლოკებისგან შემდგარი სანათი სისტემები. პროექტისა და აკვარიუმის კონსტრუქციიდან გამომდინარე, ასეთი ბლოკები შეიძლება ფუნქციონირებდეს როგორც ერთიანი სისტემა, ან როგორც დამოუკიდებელი სანათები – ყოველ ბლოკს აქვს ინდივიდუალური ჩამრთველი და დიმერი.

P.S. მიმდინარეობს სანათის დამზადების ფასის გამომთვლელი კალკულატორის ალგორითმის შემუშავების პროცესი.